English Русский Finnish Norwegian Lappland

Bargoollisvuohta 5: Olbmuid diđolašvuohta

Bargoollisvuohta 5 ulbmil lea lasihit olbmuid diđolašvuođa radioaktiivvalašvuođa ollislaš riskkain ja mo suodjalit iežas ja guovllu radioaktiivvalašvuođas, fállat dieđu Eurohpá arktalaš guovlluid birrasiid radioaktiivvalašvuođas ja addit ávžžuhusaid riskkaid geahpedeames.  

NRPA:s lea váldovástu bargoollisvuođas 5. Dan doaimmat ja ulbmilat leat:

  1. Olles álbmogii dahje dihto joavkkuide čujuhuvvon almmolaš semináraid ordnejit Suomas, Norggas ja Ruoššas. Daid ulbmil lea juohkit dieđuid radioaktiivvalašvuhtii laktáseaddji gažaldagain ja birrasa dilis ja seammás fállat dieđuid ja rávvagiid átomlihkuhisvuođaid váras. CEEPRA -prošeavtta nogadettiin dollojuvvo rabas seminára, mas boahtá ovdan prošeavtta ollašuhttin ja bohtosat.  
  2. Doallat rabas logaldallamiid radioaktiivvalašvuođas, dan gálduin, riskkain ja heivehusain juohkebeaivválaš eallimis. Addojuvvojit ávžžuhusat das, mo riskkaid sáhttá geahpedit nu uhccin go vejolaš.
  3. Buot golmma riikkas ráhkaduvvojit ja juhkkojuvvojit dieđihanbrošyrat radioaktiivvalašvuođas ja ioniserejeaddji suonjardangálduin sihke ávžžuhusain vai riska šattašii nu unnin go vejolaš. Brošyrat sisttisdollet internet-čujuhusaid, main oažžu lassidieđuid. CEEPRA -prošeavttas ja dan bohtosiin dahkkojuvvojit maid brošyrat.
  4. Prošeavtta sierra osiid ovdáneames čállojuvvojit sierra raporttat, mat leat olbmuid ja sierra ulbmiljoavkkuid oažžumis. Prošeavtta loahpas čállojuvvo oppalašraporta, mii lea buohkaid oažžumis.
  5. Guovddaš dieđuid prošeavtta ovdáneames ja bohtosiin almmustahttet STUK, NRPA ja MMBI KSC interneahttasiidduin. Dieđuid loahppabohtosiin birrasa radioaktiivvalašvuođas Eurohpá arktalaš guovlluin almmustahttet maid eará heivvolaš ja almmolaš interneahttasiidduin buot golmma riikkas. 
Bohtosiid Eurohpá arktalaš guovlluid radioaktiivvalašvuođas ja maid CEEPRA –prošeakta ovdanbuktojuvvo riikkaidgaskasaš konferánssain.