English Русский Finnish Norwegian Lappland

Prošeavtta doaimmat

Prošeakta lea juhkkon viđa sierra bargoollisvuhtii, mat laktásit nubbi nubbái. Buot prošeavtta organisašuvnnat oassálastet buot bargoollisvuođaide, muhto váldovástu sierra ollisvuođain lea  sierra organisašuvnnain. Prošektii oassálastet aktiivvalaččat STUK laboratoria Roavvenjárggas, Dálkediehtaga lágádusa Lappi dutkanguovddáš Soađegilis, Pöyry Finland Os. Oulu doaibmabáiki, MMBI laboratoria Murmánskkas ja NRPA laboratoriat Romssas ja Svanhovdas. Lassin Norgga dálkediehtaga lágádus ja Ruošša dieđaakademiija Mátta dutkanguovddáš Rostovis leat mielde sierra bargoollisvuođain.  

Suopmelaččat ja norgalaččat leat juo guhká bargan ovttas sierra suonjardeapmái ja radioekologiijai laktáseaddji surggiin. CEEPRA -prošeakta fállá Suoma ja Norgga organisašuvnnaide vejolašvuođa buoridit oktavuođaid ja ovttasbarggu Ruošša organisašuvnnaiguin. Dat leat dehálaš dasgo Suoma, Norgga ja Ruošša gaskkas lea ovttasbargu guovllu ja hálddahus dásis, muhto eiseválddiid ja dutkanlágádusaid, mat barget birrasa radioaktiivvalašvuođain, gaskasaš ovttasbargu lea unnán. Bargoollisvuođain geahččalit buoridit ovttasbarggu riikkarájáid badjel ja lonohallat dieđuid ja dáidduid. Seammás ožžot vejolašvuođa oktasaš dutkamušaide ja guorahallamiidda, laboratoriaid máhtu, teknihkaid ja metodaid buorideapmái ja dálá riskkaidguorahallanmodeallaid viiddideapmái ja daid buorebun huksemii.  Go riikkaid gaskasaš ovttasbargu buorrána, de sáhttet ovddidit oktasaš strategiijaid heahtediliid ja rutiinagohcima váras Suomas, Norggas ja Ruoššas. Seammás buoridit maid buot golmma riikka olbmuid diđolašvuođa das, mii guoská suonjardeapmái.  

STUK jođiha prošeavtta ja kordinere sierra bargoollisvuođaid.