English Русский Finnish Norwegian Lappland

Ovttasbargoguoimmit

Oassálasti organisašuvnnat

Prošektii váldet oasi dehálaš našunála organisašuvnnat; eiseválddit ja dutkanlágádusat. Dat doibmet surggiin, mat gullet ráhkkananáššiide, suonjardansuodjalussii, birrasa čuovvumii, viidánanmodeallaid ráhkadeapmái, sosiála váikkuhusaid guorahallamii ja álbmoga dieđu lasiheapmái.  

Suomas, Norggas ja Ruoššas leat mielde dutkanorganisašuvnnat, mat leat dahkan radioekologalaš dutkamušaid, leat leamaš mielde ráhkkananáššiin, átomdorvvolašvuođas ja riikkaidgaskasaš ovttasbarggus juo badjel 25 jagi. Áššedovdit geavahit modearna vugiid, go čogget, válmmaštallet ja analyserejit čájánasaid, dárkkodit ja guorahallet birrasa radioaktiivvalašvuođa, ráhkadit modeallaid vejolaš váikkuhusain ja árvvoštallet riskkaid. Prošeaktajoavkkuid lahtuin lea heivvolaš skuvlejupmi ja sii leat hárjánan riikkaidgaskasaš ovttasbargui. Buohkaid oktasaš ulbmilin lea buvttadit prošeavtta ulbmiliid dáfus dehálaš dieđu.

Kordináhtor.

Suonjardandorvoguovddáš (STUK), Davvi-Suoma guovllulaboratoria, Roavvenjárga – Suopma (www.stuk.fi)

Murmansk Marine Biological Institute of the Kola Science Center of the Russian academy of sciences (Ruošša dieđaakatemiija Guoládaga dieđaguovddáža mearrabiologalaš instituhtta, MMBI KSC RAS), Murmansk – Ruošša (www.mmbi.info)

Statens strålevern/Norwegian Radiation Protection Authority’s (Norgga suonjardandorvvolašvuođa eiseváldi, NRPA) Environmental Unit (Birasossodat), Romsa ja Emergency Preparedness Unit (Heahtedilláiráhkkananovttadat ), Svanhovd – Norga (www.nrpa.no )

Dálkediehtaga lágádus (IL), Lappi dálkediehtaga dutkanguovddáš, Soađegilli - Suopma (ilmatieteenlaitos.fi)

Pöyry Finland Os, Oulu – Suopma (www.poyry.fi)

Mielde leat maid:  

Norwegian Meteorological Institute (Norgga dálkediehtaga lágádus, NMI) -Norja (met.no)

Southern Scientific Centre RAS (Mátta dutkanguovddáš, SSC RAS), Rostov – Ruošša (www.ssc-ras.ru )